Milliy armiyamiz – yoshlarning mardlik, matonat va jasorat maktabidir

O‘zbekiston Respublikasi Qurolli Kuchlari tashkil etilganligining 29 yilligi hamda “14-yanvar – Vatan himoyachilari kuni”ga bag‘ishlangan bayram tadbirlari yuqori sur’atlarda davom etyapti. Bugun O‘zbekiston xalqaro islom akademiyasida “Vatanimga xizmat qilaman!” mavzusida o‘tkazilgan navbatdagi bayram tadbiri ham yuqori saviyada bo‘lib o‘tdi.

Tadbirda O‘zbekiston xalqaro islom akademiyasi Akademik litseyi o‘qituvchilari, xodimlari hamda o‘quvchilari ishtirok etdi. Yurtimizda so‘nggi yillarda amalga oshirilgan keng ko‘lamli islohotlar, xususan, O‘zbekiston Respublikasi Qurolli Kuchlari tizimidagi o‘zgarishlarning tub mohiyati zamirida yoshlarni vatanparvarlik ruhida tarbiyalash, ularning ongi va qalbiga ona sarhadlarimiz himoyasiga daxldorlik, insonparvarlik, jamiyatga fidoiy inson bo‘lib yetishish kabi tuyg‘ular mujassam ekanini tadbirda so‘z olganlar yana bir bor ta’kidlashdi.

Tadbir davomida O‘zbekiston Qurolli Kuchlari safida muddatli harbiy xizmatni o‘tab kelgan Akademiya talabalari tomonidan harbiy qo‘shiq, teatrlashtirilgan badiiy va harbiy sahna ko‘rinishlari, vatanni madh etuvchi she’riy chiqishlar namoyish etildi.

O‘zbekiston xalqaro islom akademiyasi

Matbuot xizmati

Yangiliklar

O'xshash materiallar

Yangiliklar

Millat, ma’naviyat va ma’rifat bayrami

Bugun yurtimizda 21-oktabr – O‘zbek tiliga davlat maqomi berilganining 33 yilligi hamda O‘zbek tili bayrami kuni millat, ma’naviyat va ma’rifat bayrami sifatida keng nishonlanmoqda. Aytish joizki, so‘nggi yillarda ona tilimiz mavqei va maqomini yuksaltirish borasidagi ishlar mutlaqo yangicha bosqichga ko‘tarildi.Mamlakatimizda har yili mazkur sana munosabati bilan turli bayram tadbirlari, ma’naviy-ma’rifiy uchrashuvlar tashkil etiladi. O‘zbekiston xalqaro islom akademiyasida ham “Qadring baland bo‘lsin, ona tilim!” mavzusidagi tadbir ko‘tarinki kayfiyatda o‘tkazildi. Tantanali marosimda Akademiya professor-o‘qituvchilari, xodimlari hamda talaba-yoshlar ishtirok etdi. Bayramni Akademiya Ilmiy ishlar va innovatsiyalar bo‘yicha prorektori Zohidjon Islomov tabrik so‘zi bilan ochib berdi. Zohidjon Islomov o‘z nutqida tilimiz rivojlanish bosqichlariga to‘xtalib o‘tdi. Ona tilimiz nufuzi va mav

Yangiliklar

O‘zbekiston xalqiga bayram tabrigi

Muhtaram vatandoshlar! Avvalo, Siz, azizlarni bugungi qutlug‘ ayyom – O‘zbek tili bayrami bilan chin qalbimdan samimiy muborakbod etaman. Inson uchun kindik qoni tomgan Vatani, dunyoga keltirib voyaga yetkazgan ota-onasi qanchalik aziz va mukarram bo‘lsa, uning o‘zligi va ma’naviy olamini belgilaydigan ona tili ham shunchalik qadrli va mo‘’tabardir.Qadim turkiy tilimizni ilk bor ilmiy asosda tadqiq etgan buyuk alloma Mahmud Koshg‘ariyning: “Erdam boshi tildur”, ya’ni “Barcha ezguliklar tildan boshlanur”, degan so‘zlarida teran haqiqat mujassam. Darhaqiqat, odamzot qalbidagi jamiki olijanob fazilatlar ona tilining betakror mo‘jizasi, sehri va jozibasi bilan kamolga yetadi.Xalqimiz tafakkurining tiniq ko‘zgusi bo‘lgan bu bebaho xazinani asrab-avaylash va rivojlantirish bugungi kundagi eng sharafli vazifalarimizdan biridir. Ulug‘ mutafakkir Mir Alisher Navoiy bobomizning: “Tilga e’tibor – e

Yangiliklar

Akademiya Kengashining navbatdagi majlisi o‘tkazildi

O‘zbekiston xalqaro islom akademiyasida Akademiya kengashining navbatdagi yig‘ilishi bo‘lib o‘tdi. Unda Akademiya rahbariyati, kengash a’zolari, fakultet dekanlari, kafedra mudirlari, bo‘lim boshliqlari ishtirok etishdi.Majlisni O‘zbekiston Respublikasi Prezidentining jamoat va diniy tashkilotlar bilan hamkorlik masalalari bo‘yicha maslahatchisi, O‘zbekiston xalqaro islom akademiyasi rektori, kengash raisi Muzaffar Komilov olib bordi.Muntazam tarzda o‘tkaziladigan Akademiya kengashi yig‘ilishida muassasa oldida turgan muhim va dolzarb masalalar atroflicha muhokama qilinib, yechimini kutayotgan holatlar bartaraf etiladi hamda kelgusi vazifalar belgilab olinadi. Akademiya rektori, kengash raisi Muzaffar Komilov o‘z so‘zida navbatdagi majlis ham amalga oshirilgan ishlarni sarhisob qilish, yo‘l qo‘yilgan kamchiliklarni bartaraf etishda muhim ekanini ta’kidladi.Kengash majlisida dastavval O‘q